2014 جىلعى 17 قاراشا, استانا قالاسى
قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسىن بەكىتۋ تۋرالى
قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى №327 جارلىعىمەن بەكىتىلگەن مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيداسىنىڭ 27-تارماعىن ورىنداۋ ماقساتىندا, قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى توراعاسىنىڭ مىندەتىن اتقارۋشىنىڭ 2014 جىلعى 5 ماۋسىمداعى №04-2-4/93 بۇيرىعىمەن بەكىتىلگەن «ب» كورپۋسىنداعى مەملەكەتتىك اكىمشىلىك قىزمەتشىلەردىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىنىڭ 2-تارماعىنا, «پروكۋراتۋرا تۋرالى» قازاقستان رەسپۋبليكاسى زاڭىنىڭ 11-بابىنىڭ 4) تارماقشاسىنا سايكەس, بۇيىرامىن:
1. قوسا بەرىلىپ وتىرعان قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسى بەكىتىلسىن.
2. كادر جۇمىسى دەپارتامەنتىنىڭ باستىعى وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكىزۋگە شارا قولدانسىن.
3. وسى بۇيرىقپەن قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ بارلىق قىزمەتكەرلەرى تانىستىرىلسىن.
4. اتالعان بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتىنە جۇكتەلسىن.
5. وسى بۇيرىق العاشقى جاريالانعان كۇنىنەن باستاپ ون كۇنتىزبەلىك كۇن وتكەننەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ باس پروكۋرورى ا.داۋىلباەۆ.
قازاقستان رەسپۋبليكاسى باس پروكۋرورىنىڭ 2014 جىلعى 17 قاراشاداعى №136 بۇيرىعىنا قوسىمشا
قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ
ادىستەمەسى
1. جالپى ەرەجەلەر
1. قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسى (ودان ءارى – ادىستەمە) «مەملەكەتتىك اكىمشىلىك قىزمەتشىلەردىڭ قىزمەتىن جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيداسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى №327 جارلىعىن ىسكە اسىرۋ ماقساتىندا ازىرلەندى جانە قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ مەملەكەتتىك اكىمشىلىك قىزمەتشىلەرىنىڭ (ودان ءارى - قىزمەتشىلەر) قىزمەتىن جىل سايىنعى باعالاۋدىڭ ادىستەمەسىن ايقىندايدى.
2. قىزمەتشىلەردىڭ قىزمەتىن جىل سايىنعى باعالاۋ (ودان ءارى - باعالاۋ) ولاردىڭ جۇمىس تيىمدىلىگى مەن ساپاسىن ايقىنداۋ ءۇشىن جۇرگىزىلەدى.
3. باعالاۋ مەملەكەتتىك اكىمشىلىك قىزمەتتە بولعان ءاربىر جىل وتكەن سايىن, كورسەتىلگەن مەرزىم باستالعان كۇننەن باستاپ ءۇش ايدان كەشىكتىرىلمەي, بىراق وسى لاۋازىمعا ورنالاسقان كۇننەن باستاپ التى ايدان ەرتە ەمەس مەرزiمدە جۇرگىزىلەدى.
4. قىزمەتشىلەردى باعالاۋ مىنالاردان:
1) قىزمەتشىنىڭ تىكەلەي باسشىسىنىڭ باعالاۋى;
2) اينالمالى باعالاۋ (قىزمەتشىنىڭ قاراماعىنداعى نەمەسە ولاردىڭ ارىپتەستەرىنىڭ باعالاۋى);
3) قىزمەتشىنىڭ قورىتىندى باعاسىنان تۇرادى.
قىزمەتشىنىڭ تىكەلەي باسشىسى ونىڭ لاۋازىمدىق نۇسقاۋلىعىنا سايكەس ءوزى باعىناتىن تۇلعا بولىپ تابىلادى.
5. باعالاۋ ناتيجەلەرى بويىنشا قىزمەتشىلەر قىزمەتىندەگى كەمشىلىكتەردى جويۋ جونىندە ۇسىنىستار ازىرلەنەدى, ولاردىڭ قىزمەتىندەگى جاقسارتۋدى قاجەت ەتەتىن باعىتتار ايقىندالادى, تاعىلىمدامادان وتكىزۋ, ىلگەرىلەتۋ بويىنشا ۇسىنىستار ازىرلەنەدى.
6. قىزمەتشىنىڭ سوڭعى ءۇش جىل بويى «ءتيىمدى» دەگەن باعا الۋى, ونى لاۋازىمى بويىنشا كوتەرۋگە نەگىز بولىپ تابىلادى.
7. قىزمەتشىنىڭ سوڭعى ءۇش جىل بويى ەكى رەت «قاناعاتتانارلىقسىز» دەگەن باعا الۋى, ونى اتتەستاتتاۋدان وتكىزۋگە نەگىز بولىپ تابىلادى.
اتتەستاتتاۋدان وتكىزۋ تۋرالى شەشىم قابىلداۋ كەزىندە الدىڭعى اتتەستاتتاۋدان وتكىزۋگە نەگىز بولعان باعالاۋ ناتيجەلەرى ەسكەرىلمەيدى.
8. قىزمەتشىنىڭ قورىتىندى باعاسىن تۇراقتى جۇمىس ىستەيتىن باعالاۋ جونىندەگى كوميسسيا (ودان ءارى – كوميسسيا) بەكىتەدى, ونى قىزمەتشىنى لاۋازىمعا تاعايىنداۋ جانە لاۋازىمنان بوساتۋ قۇقىعى بار ادام قۇرادى.
9. كوميسسيا كەمىندە ءۇش مۇشەدەن, سونىڭ ىشىندە توراعادان تۇرادى.
10. داۋىس بەرۋ قورىتىندىسى كوميسسيا مۇشەلەرىنىڭ كوپشىلىك داۋىسىمەن ايقىندالادى. داۋىس سانى تەڭ بولعان كەزدە كوميسسيا توراعاسىنىڭ داۋىسى شەشۋشى بولىپ تابىلادى.
مىنالار:
باس پروكۋراتۋرادا – باس پروكۋروردىڭ اپپاراتىنىڭ باسشىسى;
پروكۋراتۋرا ورگاندارى, ۆەدومستۆولارى مەن مەكەمەلەرىندە – پروكۋراتۋرا ورگاندارى, ۆەدومستۆولارى نەمەسە مەكەمەلەرىنىڭ ءتيىستى ۋاكىلەتتى باسشىسىنىڭ ورىنباسارلارىنىڭ ءبىرى كوميسسيا توراعاسى بولىپ تابىلادى.
قازاقستان رەسپۋبليكاسى باس پروكۋراتۋراسىنىڭ, پروكۋراتۋرا ورگاندارى, ۆەدومستۆولارى نەمەسە مەكەمەلەرىنىڭ كادر جۇمىسى بولىمشەلەرىنىڭ (ودان ءارى – كادر جۇمىسى بولىمشەسى) قىزمەتكەرى كوميسسيا حاتشىسى بولىپ تابىلادى. كوميسسيا حاتشىسى داۋىس بەرۋگە قاتىسپايدى.
ەگەر كوميسسيا قۇرامىنا وعان قاتىستى باعالاۋ جۇرگىزىلەتىن قىزمەتشىنىڭ تىكەلەي باسشىسى, سونداي-اق وسى ادىستەمەنىڭ 4-تارماعىنىڭ 2) تارماقشاسىندا كورسەتىلگەن قىزمەتشىلەر كىرەتىن بولسا, ولار وسى قىزمەتشىگە قاتىستى داۋىس بەرۋگە جانە شەشىم قابىلداۋعا قاتىسپايدى.
2. باعالاۋ جۇرگىزۋگە دايىندىق
11. كادر جۇمىسى بولىمشەسى كوميسسيا توراعاسىنىڭ كەلىسىمى بويىنشا باعالاۋدى وتكىزۋ كەستەسىن ازىرلەيدى.
كادر جۇمىسى بولىمشەسى باعالاناتىن قىزمەتشىگە, سونداي-اق وسى ادىستەمەنىڭ 4-تارماعىنىڭ 1) جانە 2) تارماقشالارىندا كورسەتىلگەن تۇلعالارعا باعالاۋ جۇرگىزىلەتىنى تۋرالى حابارلايدى جانە ولارعا باعالاۋ وتكىزۋگە دەيىن ءبىر ايدان كەشىكتىرمەي تولتىرۋ ءۇشىن باعالاۋ پاراعىن جىبەرەدى.
3. تىكەلەي باسشىنىڭ باعالاۋى
12. تىكەلەي باسشى وسى ادىستەمەنىڭ 1-قوسىمشاسىنا سايكەس نىسان بويىنشا باعالاۋ پاراعىن كادر جۇمىسى بولىمشەسىنەن العان كۇننەن باستاپ ءۇش جۇمىس كۇنى ىشىندە تولتىرادى, قىزمەتشىنى تولتىرىلعان باعالاۋ پاراعىمەن تانىستىرادى جانە ەكى جۇمىس كۇنى ىشىندە تولتىرىلعان باعالاۋ پاراعىن كادر جۇمىسى بولىمشەسىنە قايتارادى.
قىزمەتشىنى تولتىرىلعان باعالاۋ پاراعىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى.
قىزمەتشىنىڭ تانىسۋدان باس تارتۋى قۇجاتتاردى كوميسسيا وتىرىسىنا جىبەرۋگە كەدەرگى بولا المايدى. بۇل جاعدايدا كادر جۇمىسى بولىمشەسىنىڭ قىزمەتكەرi جانە تىكەلەي باسشى تانىسۋدان باس تارتۋ تۋرالى ەركىن نۇسقادا اكت جاسايدى.
4. اينالمالى باعالاۋ
13. اينالمالى باعالاۋ قىزمەتشىنىڭ قاراماعىنداعى ادامداردىڭ, ال قاراماعىنداعى ادامدار بولماعان جاعدايدا – قىزمەتشى جۇمىس ىستەيتىن قۇرىلىمدىق بولىمشەدە لاۋازىمدى اتقاراتىن ادامنىڭ (ولار بولعان جاعدايدا) باعالاۋىن بىلدىرەدى.
مۇنداي ادامداردىڭ ءتىزىمىن ء(ۇش ادامنان اسپايتىن) قىزمەتشىنىڭ لاۋازىمدىق مىندەتتەرى جانە قىزمەتتىك ءوزارا ارەكەتتەستىگىنە قاراي كادر جۇمىسى بولىمشەسى باعالاۋ جۇرگىزىلگەنگە دەيىن ءبىر ايدان كەشىكتىرمەي انىقتايدى.
14. وسى ادىستەمەنىڭ 13-تارماعىندا كورسەتىلگەن تۇلعالار وسى ادىستەمەنىڭ 2-قوسىمشاسىنا سايكەس نىساندا باعالاۋ پاراعىن تولتىرادى.
15. وسى ادىستەمەنىڭ 13-تارماعىندا كورسەتىلگەن تۇلعالارمەن تولتىرىلعان باعالاۋ پاراعى كادر جۇمىسى بولىمشەسىنەن ولاردى العان كۇننەن ەكى جۇمىس كۇنى ىشىندە كادر جۇمىسى بولىمشەسىنە جىبەرىلەدى.
16. كادر جۇمىسى بولىمشەسى وسى ادىستەمەنىڭ 13-تارماعىندا كورسەتىلگەن تۇلعالاردىڭ باعالاۋىنىڭ ورتاشا ەسەبىن جۇرگىزەدى.
17. وسى ادىستەمەنىڭ 13-تارماعىندا كورسەتىلگەن تۇلعالاردىڭ باعالاۋى جاسىرىن تۇردە جۇرگىزىلەدى.
5. قىزمەتشىنىڭ قورىتىندى باعاسى
18. كادر جۇمىسى بولىمشەسى قىزمەتشىنىڭ قورىتىندى باعاسىن مىنا فورمۋلا بويىنشا كوميسسيا وتىرىسىنا دەيىن بەس جۇمىس كۇنىنەن كەشىكتىرمەي ەسەپتەيدى: a = b + c
مۇنداعى,
a – قىزمەتشىنىڭ قورىتىندى باعاسى,
b – تىكەلەي باسشىنىڭ باعاسى,
c – وسى ادىستەمەنىڭ 13-تارماعىندا كورسەتىلگەن تۇلعالاردىڭ ورتا باعاسى.
19. قورىتىندى باعا مىنا شكالا بويىنشا قويىلادى:
21 باللدان تومەن – «قاناعاتتانارلىقسىز»,
22-دان 33 بالعا دەيىن – «قاناعاتتانارلىق»,
33 باللدان جوعارى – «ءتيىمدى».
6. كوميسسيانىڭ باعالاۋ ناتيجەلەرىن قاراۋى
20. كادر جۇمىسى بولىمشەسى وسى ادىستەمەنىڭ 11-تارماعىندا كورسەتىلگەن كەستەگە سايكەس باعالاۋ ناتيجەلەرىن قاراۋ بويىنشا كوميسسيانىڭ وتىرىسىن وتكىزۋدى قامتاماسىز ەتەدى.
كادر جۇمىسى بولىمشەسى كوميسسيانىڭ وتىرىسىنا مىنا قۇجاتتاردى:
1) تولتىرىلعان تىكەلەي باسشىنىڭ باعالاۋ پاراعىن;
2) تولتىرىلعان اينالمالى باعالاۋ پاراعىن;
3) قىزمەتشىنىڭ لاۋازىمدىق نۇسقاۋلىعىن;
4) وسى ادىستەمەنىڭ 3-قوسىمشاسىنا سايكەس نىسان بويىنشا قورىتىندى باعا كورسەتىلگەن كوميسسيا وتىرىسى حاتتاماسىنىڭ جوباسىن تاپسىرادى.
21. كوميسسيا باعالاۋ ناتيجەلەرىن قاراستىرادى جانە مىنا شەشىمدەردىڭ ءبىرىن شىعارادى:
1) باعالاۋ ناتيجەلەرىن بەكىتەدى;
2) باعالاۋ ناتيجەلەرىن قايتا قارايدى.
باعالاۋ ناتيجەلەرىن قايتا قاراۋ تۋرالى شەشىم قابىلداعان جاعدايدا كوميسسيا حاتتامادا ءتيىستى قىسقاشا تۇسىندىرمەمەن باعانى تۇزەتەدى. بۇل رەتتە قىزمەتشىنىڭ باعاسىن تومەندەتۋگە جول بەرىلمەيدى.
22. كادر جۇمىسى بولىمشەسى باعالاۋ ناتيجەلەرىمەن ول اياقتالعان سوڭ بەس جۇمىس كۇنى ىشىندە قىزمەتشىنى تانىستىرادى.
قىزمەتشىنى باعالاۋ ناتيجەلەرىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى.
قىزمەتشىنىڭ تانىسۋدان باس تارتۋى باعالاۋ ناتيجەلەرىن ونىڭ قىزمەتتىك تىزىمىنە ەنگىزۋگە كەدەرگى بولا المايدى. بۇل جاعدايدا كادر جۇمىسى بولىمشەسىنiڭ قىزمەتكەرi تانىسۋدان باس تارتۋ تۋرالى ەركىن نۇسقادا اكت جاسايدى.
23. باعالاۋ ناتيجەلەرى قىزمەتشىنىڭ قىزمەتتەر تىزىمىنە ەنگىزىلەدى.
24. وسى ادىستەمەنىڭ 20-تارماعىندا كورسەتىلگەن قۇجاتتار, سونداي-اق كوميسسيا وتىرىسىنىڭ قول قويىلعان حاتتاماسى كادر جۇمىسى بولىمشەسىندە ساقتالادى.
7. باعالاۋ ناتيجەلەرىنە شاعىمدانۋ
25. كوميسسيا شەشىمىنە قىزمەتشىنىڭ مەملەكەتتىك قىزمەت ىستەرى جونىندەگى ۋاكىلەتتى ورگانعا نەمەسە ونىڭ اۋماقتىق دەپارتامەنتىنە شاعىمدانۋى شەشىم شىققان كۇننەن باستاپ ون جۇمىس كۇنى ىشىندە جۇزەگە اسىرىلادى.
26. مەملەكەتتىك قىزمەت ىستەرى جونىندەگى ۋاكىلەتتى ورگان نەمەسە ونىڭ اۋماقتىق دەپارتامەنتى قىزمەتشىدەن شاعىم تۇسكەن كۇنىنەن باستاپ ون جۇمىس كۇنى ىشىندە شاعىمدى قارايدى جانە بۇزۋشىلىقتار انىقتالعان جاعدايدا, قازاقستان رەسپۋبليكاسىنىڭ پروكۋراتۋرا ورگانىنا, ۆەدومستۆوسى مەن مەكەمەسىنە كوميسسيا شەشىمىنىڭ كۇشىن جويۋ تۋرالى ۇسىنىس جاسايدى.
27. قابىلدانعان شەشىم تۋرالى اقپاراتتى قازاقستان رەسپۋبليكاسىنىڭ پروكۋراتۋرا ورگانى, ۆەدومستۆوسى مەن مەكەمەسى ەكى اپتا ىشىندە مەملەكەتتىك قىزمەت ىستەرى جونىندەگى ۋاكىلەتتى ورگانعا نەمەسە ونىڭ اۋماقتىق دەپارتامەنتىنە بەرەدى.
قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ
«ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 1-قوسىمشاسى
تىكەلەي باسشىسىنىڭ باعالاۋ پاراعى
باعالاناتىن قىزمەتشىنىڭ اتى-ءجونى: ________________________________
باعالاناتىن قىزمەتشىنىڭ لاۋازىمى: _____________________________
№ ر/ن ولشەم كورسەتكىشتىڭ ءمانى باعا (بالل)
1. باستاماشىلىعى 2-دەن 5-كە دەيىن
2. لاۋازىمدىق مىندەتتەرىن ورىنداۋ ساپاسى 2-دەن 8-گە دەيىن
3. ارەكەتتەستىككە يكەمدىلىگى 2-دەن 5-كە دەيىن
4. قىزمەتتىك ەتيكانى ساقتاۋى 2-دەن 5-كە دەيىن
بارلىعى (بارلىق باعالاردىڭ باعاسى):
تانىستىم:
قىزمەتشى (اتى-ءجونى)
______________________
كۇنى ____________________
قولى ___________________ تىكەلەي باسشى (اتى-ءجونى)
___________________________________
كۇنى _____________________________
قولى ___________________________
قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ
«ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 2-قوسىمشاسى
اينالمالى باعالاۋ پاراعى
باعالاناتىن قىزمەتشىنىڭ اتى-ءجونى: ________________________________
باعالاناتىن قىزمەتشىنىڭ لاۋازىمى: _____________________________
№ ر/ن ولشەم كورسەتكىشتىڭ ءمانى باعا (بالل)
باعىنىشتى ادام
1. جۇمىستى جوسپارلاي الۋ قابىلەتى 2-دەن 5-كە دەيىن
2. جۇمىسقا ىنتالاندىرۋ قابىلەتى 2-دەن 5-كە دەيىن
3. قىزمەتتىك ەتيكانى ساقتاۋى 2-دەن 5-كە دەيىن
بارلىعى (بارلىق باعالاردىڭ باعاسى)
ارىپتەسى
1. توپتا جۇمىس ىستەي الۋ قابىلەتى 2-دەن 5-كە دەيىن
2. قىزمەتتىك ەتيكانى ساقتاۋى 2-دەن 5-كە دەيىن
3. لاۋازىمدىق مىندەتتەرىن ورىنداۋ ساپاسى 2-دەن 5-كە دەيىن
بارلىعى (بارلىق باعالاردىڭ باعاسى)
قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ
«ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 3-قوسىمشاسى
باعالاۋ جونىندەگى كوميسسيا وتىرىسىنىڭ حاتتاماسى
__________________________________________________________________________________
(قازاقستان رەسپۋبليكاسى پروكۋراتۋرا ورگانى, ۆەدومستۆوسى مەن مەكەمەسىنىڭ اتاۋى)
№ ر/ن قىزمەتشىنىڭ اتى-ءجونى تىكەلەي باسشىسىنىڭ باعاسى اينالمالى باعا قورىتىندى باعا
1
…
كوميسسيانىڭ قورىتىندىسى:
_______________________________________________________________________________
_______________________________________________________________________________
_______________________________________________________________________________
تەكسەرىلدى:
كوميسسيانىڭ حاتشىسى:____________________ كۇنى: _________________
(اتى-ءجونى, قولى)
كوميسسيانىڭ توراعاسى: _____________________ كۇنى: _____________
(اتى-ءجونى, قولى)
كوميسسيانىڭ مۇشەسى:__________________________ كۇنى: ________________
(اتى-ءجونى, قولى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 15 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9977 بولىپ ەنگىزىلدى.